Nga 8 deri më 11 qershor, në qytetin Ningbo të Kinës Lindore u zhvillua Panairi i Mallrave të Europës Qendrore e Lindore, në të cilin u ekspozuan produktet e 16 vendeve europianoqendrore e europianolindore.

Ndër produktet e shumta, mallrat shqiptare u lanë konsumatorëve kinezë një përshtypje të thellë, pasi ato ishin me cilësi të lartë dhe biologjike.

Z.Çelmeta në intervistën me CRISHQIP

Pavioni shqiptar në Panairin Ningbo2014

Kryetari i Dhomës së Tregtisë Shqipëri-Kinë, Idriz Çelmeta, u shpreh se kjo është hera e parë që kompanitë shqiptare marrin pjesë në një panair ndërkombëtar në Kinë.

"Kemi parë që, si hera e parë, produktet shqiptare në Kinë janë të mirëpritura nga konsumatorët kinezë dhe ka pasur një interesim të vazhdueshëm qysh nga dita e parë deri më sot. Edhe disa sasi të vajit, mjaltit dhe të verave janë shitur, janë blerë nga konsumatorët. Janë marrë edhe mostra për t'u paraqitur. Kemi interesim nga firma të ndryshme kineze, të cilat kanë ardhur dhe kanë shkëmbyer informacion, me qëllim që të lidhen në një kohë sa më të shpejtë," tha Çelmeta. (Jiang Lei/Artani)