Dasma e Princit të Anglisë William dhe e të fejuarës së tij, Kate Middleton u vendos të mbahet më 29 prill. Ndryshe ajo është quajtur dasma e shekullit, duke tërhequr vëmendjen e mbarë botës. Sipas llogarive, shpenzimet për ceremoninë martesore do të jenë një miliard paund britanik. Natyrisht tregtarët e Kinës dëshirojnë të marrin dhe ata copën e tortës së kësaj dasme, pasi deri tani shumë suvenirë janë prodhuar nga Kina.
Tetë orë pasi u publikuan fotografitë e martesës së princit William dhe të fejuarës së tij Kate Middieton, në dyqanet on line u afishuan objekte që lidhen me ceremoninë mbretërore martesore. Një imitim i unazës martesore me gurë të çmuar blu fals, e prodhuar nga kompania kineze "Yiwu", tërhoqi menjëherë vëmendjen e blerësve në internet.
Drejtori i përgjithshëm i kompanisë "Yiwu", Zhou Mingëang, e njohur për prodhimin bizhuterive dhe suvenirëve, tha se unaza me gurë të çmuar fals, është shumë e bukur dhe çmimi i saj shumë i ulët. Kompania eksportoi mbi 10 mijë unaza me gurë të çmuar fals jashtë vendit. Unaza shitet kryesisht në Angli. Kostoja e saj është shumë e ulët vetëm, 2 dollarë amerikanë, ndërsa përfitimet e saj janë shumë të mëdha.