Drejtori i përgjithshëm i grupit Tongling, z.Chen Wusheng tha se emri i kësaj shoqërie, që në gjuhën angleze është "Protecht" varet nga moto e saj pra ruajtje, siguri dhe teknologji ( protection, security and technology). Objekti i shoqërisë është prodhimi i produkteve me teknologji e cilësi të lartë dhe kënaqja e nevojave të konsumatorëve. Fakti që grupi Tongling ka fituar 4 patenta amerikane të shpikjes dhe 29 patenta në vend, është i jashtëzakonshëm. Për ta vërtetuar këtë, Chen Wusheng mori një copë metali dhe e vuri në portollambë para syve tanë. Në fillim ne filluam të shqetësoheshim shumë për këtë veprim të rrezikshëm të tij. Pastaj ne vumë re se edhe portollamba e lagur nuk mund të përçonte rrymë.
Tani, vendi kryesor i eksportit i kësaj shoqërie është SHBA-ja. Pas ristrukturimit së tregut të saj, ajo dëshiron të hyjë në tregun e Evropës dhe në tregje të tjera të botës. Në Lojërat Olimpike të vitit 2008 në Pekin, kjo shoqëri ka qenë e vetmja furnizuese e përcaktuar nga pala zyrtare për prodhimin e portollambave të sigurta ndaj "Folesë së zogut", Stadiumit Sportiv Shtetëror. Kjo gjë tregon fort mirë cilësinë e lartë të produkteve të kësaj shoqërie. Chen Wusheng foli edhe për një provë të re të kësaj shoqërie në vitin 2009. Në atë kohë, shoqëria u orientua në prodhimin e ekranit optik (LCD) dhe themeloi një shoqëri që të punojë me të gjitha forcat në fushën e kabllove optike dhe në shfrytëzimin e çipit të LCD-së, duke fituar të drejtën e pronësisë intelektuale në këtë fushë. (Sihai)
