Këto ai i tha gjatë një interviste eksklusive për gazetarë të Radios së Jashtme të Kinës.

Presidenti Topi tha "Pas nivelit mjaft të mirë të dialogut dhe marrëdhënieve politike, del e nevojshme që të shtohen edhe marrëdhëniet në nivelin e bashkëpunimit ekonomik, të biznesit dhe prej kohësh ka biznesmenë të Shqipërisë që kanë ardhur në Kinë të zhvillojnë aktivitetin e tyre dhe anasjelltas, ka investitorë kinezë që kanë në Shqipëri, madje do të vija në dukje që kohët e fundit kemi pasur edhe praninë e kompanive mjaft të rëndësishme në fushën e telekomunikacionit, por edhe në fushën e energjisë, të infrastrukturës e të ndërtimit. Besoj se janë të dhëna që dëshmojnë se këto marrëdhënie po intensifikohen dhe jam i bindur që interesi i investitorëve dhe i biznesmenëve edhe nga Shqipëria, edhe nga Kina është në rritje çka tregon se e ardhmja do të jetë më e mirë se e sotmja."

Duke iu përgjigjur pyetjes së gazetares për masat që duhen të ndërmerren nga të dyja palët për forcimin e mëtejshëm të këtyre marrëdhënieve, presidenti Topi tha: "Sikurse janë bërë deri tani, besoj se edhe në të ardhmen do të ketë ligje dhe akte administrative dhe marrëveshje specifike, që do ta bëjnë më të lehtë komunikimin midis njerëzve nga të dyja vendet tona."   (Fani/ Zhang Zhuo/ Wang Lei) 

Më 2 tetor, president i Republikës së Shqipërisë Bamir Topi dha një intervistë eksklusive për gazetarë të Radios së Jashtme të Kinës.