Sekretari i Mbrojtjes i ShBA-së Ashton Carter dhe sekretari i përgjithshëm i Këshillit të Bashkëpunimit të Gjirit Abdul-Latif Al-Zayani shpallën të martën se ShBA-ja dhe vendet anëtare të këtij Këshilli do të kryejnë patrullime të përbashkëta në det, për të ndaluar dërgimin e armëve nga Irani për në Jemen.

Carter u shpreh se ShBA-ja nuk do ta ndryshojë angazhimin dhe do të vazhdojë përpjekjet për të garantuar sigurinë në rajonin e Gjirit, duke penguar veprimet e Iranit që sipas tij dëmtojnë sigurinë rajonale.

Vitet e fundit, marrëdhëniet midis ShBA-së dhe vendeve të Gjirit kanë shfaqur shenja tensionimi. Arabia Saudite është e pakënaqur me politikën amerikane në Lindjen e Mesme, duke shprehur mendimin se ShBA-ja është treguar e dobët lidhur me problemin e Iranit.