Presidenti kinez Xi Jinping bëri thirrje për më shumë bashkëpunim me Australinë, gjatë takimit kryeministrin australian Malcolm Turnbull të premten në Pekin.

Xi kërkoi harmonizimin e nismës së Kinës 'Brezi dhe Rruga' me 'Planin e zhvillimit të Veriut të Australisë'.

Ai gjithashtu tha se të dy palët mund të bashkëpunojnë në më shumë projekte dhe fusha, përfshirë atë të gjyqësorit, zbatimit të ligjit dhe të mbrojtjes.

Nga ana e tij, kryeministri australian Turnbull tha se vendi i tij është gati të shtojë komunikimin me Kinën mbi çështjet ndërkombëtare dhe rajonale.

Turnbull, i shoqëruar nga një delegacion i madh biznesi, ndodhet në Kinë për një vizitë zyrtare, e para që prej marrjes së detyrës në shtator të vitit të kaluar. (Leftion Peristeri)