PËR NE  VEND PUNE
      
cri albanian.cri.cn
Faqja e parë | Lajme | Kina Sot | Fokus ekonomik | Kultura | Kozmopolit | Shëndeti | Fjala në Lajm | Koment për RJK Muzikë | Revista "Ejani"
Kinë-Australi, thellim i bashkëpunimit dypalësh
2016-04-15 10:53:19 CRI Komenti juaj Printoni

Kryeministri kinez Li Keqiang u takua të premten në Pekin me kryeministrin australian Malcolm Turnbull, në bisedimet e katërta vjetore kino-australiane.

Të dyja palët ranë dakord për t'i dhënë përparësi marrëveshjes së tregtisë së lirë dhe bashkërendimit të zhvillimit strategjik në fushën e risive.

Kryeministri kinez Li Keqiang u shpreh gjatë takimit se vizita e homologut të vet australian tregon marrëdhëniet e ngushta mes dy vendeve.

"Vizita juaj në Kinë tregon se ju u kushtoni vëmendje të madhe marrëdhënieve dypalëshe. Në kohën kur ekonomia globale është në depresion dhe faktorët e pasigurt po shtohen, forcimi i bashkëpunimit mes Kinës dhe Australisë përcjell një sinjal pozitiv për rajonin dhe mbarë botën," ka theksuar Li.

Kina është tregu më i madh i eksporteve australiane, ndërsa Australia është destinacioni i dytë më i madh i investimeve kineze jashtë vendit.

Turnbull shoqërohet gjatë kësaj vizite nga një delegacion prej rreth një mijë biznesmenësh, për të shfrytëzuar mundësitë e bashkëpunimit të ofruara nga rregullimet strukturore në Kinë.

"Ndihem shumë i nderuar që jam kryeministri i parë australian që viziton Kinën pas hyrjes në fuqi të Marrëveshjes së Tregtisë së Lirë Kinë-Australi. (...) Rreth një mijë biznesmenë po vizitojnë Kinën, dhe marrëdhënia e angazhimi po forcohen gjithnjë e më shumë. Ndaj, ne kemi shumë punë për të bërë së bashku," u shpreh kryeministri australian Malcolm Turnbull.

Dy kryeministrat arritën konsensus për vazhdimin e bashkëpunimit në fusha të ndryshme, si në ndërtimin e infrastrukturës dhe prodhimin e pajisjeve, si edhe zhvillimin e sektorëve të rinj, si energjia e re dhe tregtia elektronike ndërkombëtare.

Kjo është vizita e parë zyrtare e Malcolm Turnbull-it në Kinë që prej marrjes prej tij të postit të kryeministrit vitin e kaluar.

(Raela)

Mrekulli
Komenti im
Forum

Sondazh me dëgjuesit për dy sesionet e vitit 2015 në Kinë

Voto tani, shijo falas më vonë
Artikuj top
Rubrika top
China Radio International.CRI. All Rights Reserved.
16A Shijingshan Road, Beijing, China