Në përgjigje të raportit të Departamentit amerikan të shtetit për të drejtat e njeriut në botë, Zyra e Informacionit e qeverisë kineze ka publikuar raportin me titull "Të dhëna për të drejtat e njeriut në SHBA në vitin 2015". Raporti thekson se ndërsa SHBA-ja komenton gjendjen e të drejtave të njeriut në vende të ndryshme të botës, nuk flet për të drejtat e njeriut në vendin e vet.

Raporti i qeverisë kineze nënvizon se gjendja monetare dhe politikat për familjen janë përkeqësuar në SHBA, duke shtuar se shumë votues nuk gëzojnë liri të plotë për të shprehur mendimet e tyre reale.

Raporti i Departamentit amerikan të shtetit për të drejtat e njeriut analizon gjendjen e tyre në çdo vend të botës, përveç SHBA-së. Ky botim i përvitshëm, që në shumicën e rasteve kritikon gjendjen e të drejtave të njeriut në vende të ndryshme të botës është përballur vazhdimisht me kundërshtimin e palës kineze. (Eda Merepeza)