Zyra për Çështjet e Tajvanit e Këshillit të Shtetit ka shpjeguar vendimin për të mos pranuar kërkesën e autoriteteve tajvaneze për t'iu bashkuar Bankës Aziatike të Investimeve Infrastrukturore (BAII) këtë javë.

Zëdhënësi i kësaj zyre An Fengshan thotë se kërkesa nga ana e autoriteteve të Tajvanit bie ndesh me rregullat e vetë BAII-së.

"Ne e kemi bërë të njohur në shumë raste qëndrimin tonë ndaj përfshirjes së Tajvanit në BAII. Ne besojmë se BAII do ta trajtojë kërkesën dhe përfshirjen e Tajvanit në përputhje me parimin e një Kine dhe rregullat e bankës," u shpreh zëdhënësi An Fengshan.

Sipas rregullave të BAII-së, çdo kërkesë anëtarësimi nga Tajvani duhet të bëhet nëpërmjet Ministrisë kineze të Financave.

Autoritetet e Tajvanit nuk e kanë pranuar një gjë të tillë, duke kërkuar anëtarësimin si entitet më vete. (Artani Goga)