Kryeministri i Ukrainës Arseny Yatsenyuk njoftoi të dielën dorëheqjen duke i hapur rrugën shpërndarjes së qeverisë, ndërsa vendi po zvarritet nga një krizë e gjatë politike.

Arsyeja kryesore e sipas Yatsenyuk-ut është kriza politike që filloi në fund të vitit 2015.

"Vendimi im u nxit nga një sërë faktorësh. Kriza politike në vend është krijuar në mënyrë artificiale. Dëshira për të ndryshuar një njeri i verboi politikanët dhe njeherësh paralizoi vullnetin e tyre për të kryer ndryshime. Procesi i ndryshimit nga qeveria mbeti në vendnumëro. Autorët e krizës u kthyen në pengmarrës dhe na mbajnë të gjithëve ne peng: qeverinë, shoqërinë dhe shtetin."

Vendimi i Yatsenyuk-ut për t'u larguar vjen dy muaj pasi i rezistoi një mocioni mosbesimi në parlament. Mbështetja ndaj tij ra ndjeshëm në mars pasi dështoi të garantonte funksionimin normal të institucioneve shtetërore.

41-vjeçari erdhi në pushteti në shkurt të vitit 2014 pasi protestuesit rrëzuan qeverinë e mëparshme. (Leftion Peristeri)