Fondi Monetar Ndërkombëtar ka mbështetur zbatimin e politikës së normave negative të interesit mbi depozitat të disa bankave qendrore ndërkombëtare.

Në raport, FMN-ja thotë se faktet e deritanishme kanë treguar se normat negative kanë nxitur investitorët drejt bonove qeveritare me risk të ulët si dhe pakësuar kostot e huamarrjes për kompanitë.

Megjithatë, FMN-ja ka paralajmëruar se ka kufizime në efektivitetin e këtyre normave.

Gjashtë nga bankat qendrore botërore i janë bashkuar kësaj politike, përfshi Bankën e Japonisë dhe Bankën Qendrore Europiane.

Normat negative të interesit u zbatuan për herë të parë në Suedi, Danimarkë dhe Zvicër në përpjekje për të frenuar vlerësimin e monedhës kundrejt euros. (Albana)