Kina dhe Zvicra kanë vendosur të krijojnë një partneritet të ri strategjik për të promovuar zhvillimin dhe prosperitetin e përbashkët.

Bisedimet mes presidentit kinez Xi Jinping dhe homologut të tij zvicerian Johann Schneider-Ammann u mbajtën në Pekin.

Gjatë bisedimeve, Xi tha se dy vendet kanë thelluar bashkëpunimin reciprokisht të dobishëm në energjinë e rinovueshme, eko-bujqësinë moderne, kursimin e energjisë dhe mbrojtjen e mjedisit si dhe në fushën mjekësore.

Ai shtoi se nisma "Një brez, një rrugë" ka mundësuar hapësira të gjera bashkëpunimi Kinë-Zvicër, duke nënvizuar se pala kineze do të punojë ngushtë me atë zviceriane për shtimin e bashkëpunimit në kuadrin e Bankës Aziatike për Investime në Infrastrukturë (BAII).

Nga ana e tij, Schneider-Ammann tha se Zvicra është e kënaqur me zbatimin e Marrëveshjes së Tregtisë së Lirë mes dy vendeve dhe gjithashtu për nisjen e një epoke të re në bashkëpunimin dypalësh. (Albana)