Kryeministri kinez Li Keqiang u takua të enjten me presidentin e Zvicrës Johann Schneider-Ammann i cili po zhvillon një vizitë zyrtare në Kinë, me ftesë të presidentit Xi Jinping.

Kreu i qeverisë kineze tha se Kina dëshiron thellimin e bashkëpunimit me Zvicrën në fushën e tregtisë, financave dhe inovacionit. "Marrëveshja dypalëshe e tregtisë së lirë, që ka hyrë në fuqi në vitin 2014 ka ndikuar në forcimin e bashkëpunimit ekonomik dhe tregtar", tha kryeministri kinez.

Ndërsa presidenti Schneider-Amman vlerësoi bashkëpunimin në kuadër të kësaj marrëveshjeje mes Zvicrës dhe Kinës, duke i cilësuar të dy vendet si partnerë realë bashkëpunues. (Eda Merepeza)