Prokurorët belgë kanë lëshuar një apel publik për çdo informacion që lidhet me të dyshuarin e tretë si autor të shpërthimeve në Aeroportin e Brukselit, ku humbën jetën 16 vetë. Prokurori Federal i Belgjikës Eric Van der Sypt tha se autoritetet u bëjnë thirrje kryesisht njerëzve që mund të kenë filmuar apo fotografuar këtë të dyshuar.

Personi i përshkruar nga prokurori belg është parë me sulmuesin vetëvrasës në sulmet e 22 marsit. Fotot e paraqesin atë duke u larguar në këmbë nga aeroporti, në afërsi të qytezës Zaventem dhe më pas në Bruksel, ku kanë humbur gjurmët e tij.

Në të njejtën ditë një shpërthim i mëvonshëm në stacionin e metrosë Maelbeek të Brukselit shkaktoi vdekjen e 16 vetëve. (Eda Merepeza)