Votuesit në Holandë kanë hedhur poshtë miratimin e një marrëveshjeje tregtare ndërmjet BE-së dhe Ukrainës, që ka qenë zanafilla e trazirave në Ukrainë.

Kryeministri Mark Rutte u shpreh se kërkon kohë për të shqyrtuar rezultatet e referendumit përpara marrjes së një vendimi.

Holanda është e fundit ndër 28 vendet e BE-së që nevojitej për të ratifikuar marrëveshjen me Ukrainën, që do të krijonte lidhje më të ngushta ekonomike e shoqërore mes tyre.

Vendimi i ish-presidentit ukrainas Viktor Janukoviç për të mos e nënshkruar marrëveshjen me BE-në ishte shkëndija që çoi në rrëzimin e tij. Largimi i Janukoviçit sollin ndarjen e vendit mes atyre që mbështesin Rusinë dhe atyre që janë kundër saj.