Shefja e Fondit Monetar Ndërkombëtar Christine Lagarde ka shprehur shqetësim se ekonomia globale po e humb vrullin dhe u ka bërë thirrje qeverive të marrin masa për forcimin e rritjes ekonomike. Këtë deklaratë ajo e bëri të martën, gjatë një fjale të mbajtur në Universitetin Goethe të Frankfurtit.

Ndërkohë, Lagarde bëri të ditur se parashikimet e FMN-së për rritjen ekonomike që do të publikohen javën e ardhëshme, mund të shënojnë rënie.

"Në përgjithësi vërehet një dobësim i rritjes në 6 muajt e fundit të vitit, që është ndikuar nga 3 faktorë: modeli i ri i balancimit të biznesit i Kinës dhe një ngadalësim i rritjes ekonomike si pasojë e kësaj; çmimet e ulta për një periudhëtë gjatë kohe dhe politikat shtrënguese financiare në shumë vende", theksoi Lagarde. (Eda Merepeza)