Shkrimtari kinez për fëmijë Cao Wenxuan u nderua në Panairin Ndërkombëtar të Librit për fëmijë në Bolonja të Italisë me Çmimin "Hans Christian Andersen për vitin 2016". Cao është i pari shkrimtar kinez të cilit i akordohet një çmim i tillë i lartë në letërsinë botërore për fëmijë. Çmimi "Hans Christian Andersen" ka nisur të akordohet që nga viti 1956 dhe është një ndër veprimtaritë më të mëdha botërore në promovimin e letërsisë për fëmijë.

Në edicionin e sivjetëm të ndarjes së Çmimeve "Hans Christian Andersen" u nderuan 28 shkrimtarë dhe 29 ilustrues të librave për fëmijë. (Eda Merepeza)