Nisi të hënën në Nanjing mbledhja dyditore e grupit të punës së G-20-s për Tregti dhe Investime. Përfaqësues të vendeve anëtare të G20-s, si Spanja, Holanda, Singapori, Zelanda e Re, Senegali Egjipti, etj, si dhe të OBSH-së, Bankës Botërore, FMN-së dhe organizatave të tjera ndërkombëtare ishin të pranishëm në takim.

Në ceremoninë e hapjes zëvendësministri kinez i tregtisë, Wang Shouwen tha se Kina do të vazhdojë të forcojë bashkëpunimin në kuadër të mekanizmit të G20-s, të promovojë rritjen e tregtisë globale, si dhe të mbështesë zhvillimin e sistemit shumëpalësh të tregtisë.

G20-ja, si forumi kryesor i bashkëpunimit ekonomik ndërkombëtar duhet të japë ndihmesë në forcimin e këtij bashkëpunimi, tha ministri i tregtisë. " Sot dhe nesër me diskutimet tona do të hapim rrugën për axhendën e këtij viti në bashkëpunimin tregtar.Si vend kryesues i rradhës i G20-s , Kina do të bëjë përpjekje për gjithëpërfshirje, për të garantuar suksesin e mbledhjes së ministrave të tregtisë së G20-s në muajin korrik si dhe Samitit të shtatorit në Hangzhou" tha ministri kinez i tregtisë.

(Fang Xiaoyu/ Eda Merepeza)