Kryeministri grek Alexis Tsipras shprehu pakënaqësi për mungesën e progresit në zbatimin e marrëveshjes, që u arrit javën e kaluar mes BE-së dhe Turqisë për të frenuar hyrjen e refugjatëve në Europë përmes Detit Egje.

Pakënaqësia e Athinës është shprehur tek sekretari i përgjithshëm i NATO-s Jens Stoltenberg përmes një bisede telefonike. Sipas Agjencisë Shtetërore të Lajmeve AMNA, kohët e fundit është përshkallëzuar tensioni në kampet e mbipopulluara të Idomenisë, në afërsi të kufirit mes Greqisë dhe Maqedonisë.

Shefi i qeverisë greke i tha Stoltenberg-it se veprimet e NATO-s nuk kanë arritur rezultatin e pritur. Fluksi i emigratëve nga Turqia nuk është ulur. Marrëveshja hyri në fuqi të dielën e kaluar.

Disa mijëra refugjatë dhe emigrantët kanë mbetur në Greqi prej mesit të shkurtit për shkak të mbylljes së kufijve. (Xu Guang)