Kina ka synuar gjithmonë krijimin e një mjedisi të qëndrueshëm dhe marrëdhënie të mira me vendet fqinje, tha të mërkurën në një konferencë shtypi në Pekin kryeministri kinez Li Keqiang. Sipas numrit një të qeverisë kineze, ruajtja e stabilitetit rajonal dhe krijimi i marrëdhënieve të fqinjësisë së mirë varen nga përpjekjet e përbashkëta të vendeve të rajonit.

Duke folur në lidhje me marrëdhëniet kino-amerikane, Li Keqiang tha se, megjithëse nuk është një vend aziatik, ShBA-ja nuk ka qëndruar kurrë larg nga Azi-Paqësori. Ai tha se Kina dhe ShBA-ja mund të bashkëpunojnë në lidhje me çështjet e Azi-Paqësorit dhe t'i menaxhojnë dallimet mes tyre. (Xu Guang)