Në vitin 2013 Kina ua kaloi Shteteve të Bashkuara, duke zënë vendin e parë për sa i përket eksportit të produkteve kulturore, thuhet në një raport të publikuar të enjten nga UNESCO-ja.

Instituti i Statistikave i UNESCO-s vë në dukje në raport se, nën ndikimin e recesionit të ekonomisë globale, vëllimi i import-eksportit të mallrave kulturore nga viti 2004 deri në 2013 është gati dyfishuar, duke arritur në 212.8 miliardë dollarë amerikanë. "Kjo tregon rolin e rëndësishëm të industrisë kulturore në ekonominë botërore", u shpreh drejtorja e Institutit të Statistikave të UNESCO-s Silvia Montoya.

Raporti tregon se eksporti i produkteve kulturore nga Kina ishte 60 miliardë dollarësh amerikanë, mbi dyfish më shumë eksporti nga ShBA-ja prej 27.9 miliardë dollarësh amerikanë.

Vendet e zhvilluara janë përsëri importueset kryesore të produkteve kulturore. Ndërkohë, ekonomitë e reja, si Turqia, India etj., shënuan rritje të ndjeshme të eksporteve, duke u renditur ndër 10 eksportueset kryesore të produkteve kulturore në shkallë botërore.

(Zhang Yan/Artan Goga)