Autoritetet kineze kanë shprehur shqetësim ndaj marrëveshjes së re të nënshkruar midis Filipineve dhe Japonisë, lidhur me Detin e Kinës Jugore. Sipas marrëveshjes, pala filipinase do të marrë me qira 5 avionë japonezë për patrullimin në rajon. Manila zyrtare ka deklaruar se avionët japonezë do të ndihmojnë përmes trajnimit Forcat Detare të Filipineve, për patrullimin në zonën që Filipinet e konsiderojnë territor të vetin.

Ndaj kësaj marrëveshjeje ka reaguar Ministria e Jashtme e Kinës, me një deklaratë në të cilën thuhet se Kina kundërshton çdo sfidë ndaj sovranitetit dhe sigurisë së saj në Detin e Kinës Jugore.

Në të njejtën kohë, qeveria kineze i ka bërë thirrje Japonisë të mos ndërhyjë në çeshtjen e Detit të Kinës Jugore, për të cilën ka bërë të ditur se nuk ka pretendime.

Përmes një deklarate, Ministria e Jashtme e Kinës ka paralajmëruar zyrtarët japonezë të përmbahen nga veprime, të cilat mund të rrezikojnë paqen dhe stabilitetin rajonal. (Eda Merepeza)