Të dhënat zyrtare tregojnë se çmimet e konsumit në Kinë u rritën me 2.3 për qind në shkurt në krahasim me një vit më parë, dhe gjithashtu një rritje 1.8 për qind në krahasim me janarin.

Ekspertët theksojnë se shifrat kanë kaluar parashikimet.

Çmimi i ushqimeve, që përbën një të tretën në llogaritjet e Treguesit të Çmimeve të Konsumit u rrit, 7.3 për qind në shkurt krahasuar me një vit më parë.

Çmimet e perimeve dhe të mishit të derrit u rritën si pasojë e mungesës së furnizimit në muajin e ftohtë të shkurtit dhe kërkesa dhe transporti për mish derri u rritën gjatë festës së Vitit të Ri.

Ndërkohë, Treguesi i Çmimeve të Prodhimit në shkurt regjistroi rënie për të 48-in muaj radhazi, në 4.9 për qind nga viti në vit . (Albana)