Shqipëria po merr pjesë në panairin "FOODEX JAPAN 2016", i cili zhvillohet në Tokio të Japonisë. Në Panairin ku mblidhen 75 mijë blerës nga vende të ndryshme të botës dhe ekspozues nga 80 vende pjesmarrëse Shqipëria përfaqësohet me mbështetjen e Agjencisë Shqiptare për Zhvillimin e Investimeve (AIDA) dhe Jetro-s. Shqipëria merr pjesë në këtë ngjarje të rëndësishme me prodhimet e 3 kompanive ATC Natyral, Dhermiu Olive Oil dhe Morava. Pjesëmarrja në këtë panair përbën një sukses të kompanive shqiptare, pasi ofron mundësi reale për krijimin e urave të bashkëpunimit ndërmjet tyre dhe kompanive aziatike me qëllim depërtimin e tyre në këtë treg.

FOODEX JAPAN është një nga panairet më të rëndësishëm të Ushqimit dhe Pijeve në Azi me një eksperiencë 40 vjeçare i cili do të mbajë hapur dyert për katër ditë me rradhë. (ATSH)