Austria dhe 4 vende ballkanike ranë dakord të enjten për të regjistruar identitetin e refugjatëve të ndodhur në kufirin midis Maqedonisë dhe Greqisë, të cilët i drejtohen Europës Perëndimore. Drejtues të policisë nga Austria, Sllovenia, Kroacia, Serbia dhe Maqedonia u takuan të enjten në Zagreb ku nënshkruan një marrëveshje, sipas të cilës 5 vende pranuan regjistrimin e refugjatëve të mbërritur nga vendet në konflikt si Siria, Afganistani, Iraku etj. Në marrëveshje theksohet se vetëm refugjatët e ardhur nga këto vende do të lejohen të kalojnë kufirin greko-maqedonas, për tu transportuar më pas drejt Austrisë.

Në takim iu bë thirrje Bullgarisë dhe Shqipërisë të jenë pjesë e kësaj veprimtarie të përbashkët, pasi pritet që me kontrollin e rreptë të kufirit austriak, rruga e re e refugjatëve drejt Europës Perëndimore të kalojë nga Shqipëria dhe Bullgaria.

Të mërkurën autoritetet austriake bënë të ditur që nga 19 shkurti numri i refugjatëve që do të kalojnë kufirin e këtij vendi do të kufizohen në 3200 vetë në ditë. Përfaqësuesit e vendeve ballkanike nga ku kalojnë refugjatët u shprehën në takim se do të marrin të njejtat masa si pala austriake. (Çang Çuo)