Në një raport të fundit të Komisionit Evropian vlerësohet se përqindja e papunësisë në radhët e të rinjve shqiptarë ka arritur në 32.3%, njoftoi të enjten Albanian Daily News.

Në raport thuhet se në fund të vitit të kaluar përqindja e përgjithshme e papunësisë në këtë vend ishte 17.5%. Mospërputhja midis ofertës dhe kërkesës në tregun e punës krijon vështirësi për punësimin e të rinjve shqiptarë. Përqindja e papunësisë ndër të rinjtë është rritur me 1.9 pikë përqindje në tremujorin e fundit të vitit 2015, thuhet në raport, ku nënvizohet dhe ngadalësimi në krijimin e vendeve të reja të punës, në sektorin bujqësor në tremujorin e fundit. Raporti vë në dukje se në sektorin bujqësor mungojnë të dhënat e sakta për punësimin, për shkak të mosregjistrimit të të punësuarve. (Wang Lei/Eda Merepeza)