Gjendja e ekonomisë kineze në vitin 2015 ishte e stabilizuar dhe rritja vjetore e saj vlerësohet të ketë qenë rreth 7 %, duke përmbushur objektivin, bëri të ditur të martën zëdhënësi i Komisionit Kombëtar të Zhvillimit dhe Reformës të Kinës Li Pumin.

Li theksoi në një konferencë shtypi se viti 2015 ishte viti i fundit i planit të 12-të 5-vjeçar. Të 24 objektivat kryesore mbi zhvillimin ekonomik e shoqëror të këtij plani parashikohet se janë realizuar me sukses. Ndër to, treguesit mbi mjedisin e burimet dhe nivelin e jetesës vlerësohet se i kanë tejkaluar objektivat kombëtare. Si rezultat, fuqia e Kinës në ekonomi, shkencë e teknologji dhe mbrojtje, si dhe ndikimi i saj në arenën ndërkombëtare, janë rritur në një nivel më të lartë, duke hedhur një bazë të mirë për planin e 13-të 5-vjeçar, u shpreh zëdhënësi Li Pumin. (Jiang Lei)