Juani kinez po vazhdon të dobësohet kundrejt dollarit amerikan, duke humbur edhe 137 pikë të tjera bazë të martën. Tani 1 dollar këmbehet me 6.517 juanë, vlera më e ulët për monedhën kineze në më shumë se katër vjet.

Kryeekonomistja e Institutit të Studimit të Investimeve në Tregun Valutor të Kinës, Tan Yaling, thotë se arsyeja e zhvlerësimit të juanit është paniku i tregut në fund të vitit 2015:

"Rënia është vazhdim i zhvlerësimit në fund të vitit të kaluar, kur vlera mesatare e këmbimit të juanit kundrejt dollarit ra 11 herë me radhë. Faktorët e tjerë përfshijnë rregullat e reja për tregtimin nga bankat e huaja, si dhe pjesëmarrjen e bankave qendrore të huaja në tregtimin e juanit. Meqë autoritetet kineze mbështeten në tregun e brendshëm për të vendosur përqindjen e këmbimit, tregu i juanit jashtë bëhet shumë më tepër spekulativ. "

Tan Yaling mendon se paniku i tregut e ka ekzagjeruar paqëndrueshmërinë e juanit. Sipas saj, zhvlerësimi i juanit mund ta ndihmojë ekonominë kineze, pasi mund të rregullojë dinamikat e tregut të kapitaleve dhe të nxisë fillimin e bizneseve.