Në ditën e parë të hapjes për këtë vit, të martën bursat ndërkombëtare shënuan rënie, ndërsa treguesi i vlerës së përgjithshme të aksioneve në bursën kineze ra me 7%, duke shkaktuar sistemin "circuit breakers".

4 janari është dita e parë e zbatimit të sistemit "circuit breakers" në tregun kinez të aksioneve, ku bursa e Shangait shënoi një rënie prej 6.9% , ndërsa ajo e Shengzhenit prej 8.2%. Kjo është rënia më e madhe e bursës në ditët e para të vitit të ri. Mësohet se dhe bursat e tjera aziatike dhe europiane kanë shënuar rënie, ndërsa bursa amerikane ra me 450 pikë, duke shënuar nivelin më të ulët qysh nga viti 1942.

Analisët janë të mendimit se gjendja e tensionuar në Lindjen e Mesme ka ndikuar besimin e investitorëve. Pjesë e kësaj situate është dhe ndërprerja e marrëdhënieve diplomatike me Iranin nga Arabia Saudite, Bahreini, Sudani dhe Emiratet e Bashkuara Arabe. (Xu Guang/Eda Merepeza)