Policia Shqiptare e Kufirit njoftoi të hënën për ndalimin e 20 emigrantëve të huaj, që po përpiqeshin të hynin në mënyrë të paligjshme në rajonin jugor të Gjirokastrës. Sipas deklaratës së policisë 18 prej emigrantëve vinin nga Maroku dhe 2 nga Palestina.

Pas ndalimit ata janë marrë në pyetje në stacionin policor të Gjirokastrës, ku kanë deklaruar se kishin për qëllim që nëpërmjet kalimit të kufirit shqiptaro-malazez, të arrinin në Gjermani. (Eda Merepeza)