Inflacioni mesatar për vitin 2016 pritet të luhatet rreth nivelit 2.3%, deklaroi të hënën Banka e Shqipërisë.

Në deklaratë thuhet se inflacioni parashikohet të ndjekë një tendencë rritëse dhe të kthehet në objektivin e synuar prej 3% rreth fillimit të vitit 2018.

Megjithatë, hendeku negativ i prodhimit dhe çmimet e ulëta në tregjet botërore do të vazhdojnë të jenë të pranishme përgjatë një horizonti kohor afatshkurtër. Efekti rënës i tyre në inflacion do të kompensojë efektin rritës të çmimeve të larta të produkteve ushqimore.

Pas mbledhjes së Këshillit Mbikëqyrës të BSH-së, Banka vendosi mbajtjen të pandryshuar të normës bazë të interesit 1.75%, norma më e ulët në historinë e Shqipërisë. (Albana)