Konferenca e dytë Botërore e Internetit filloi sot në Wuzhen të Kinës Lindore.

Presidenti Xi Jinping i cili do të mbajë një fjalim gjatë aktivitetit, pritet të shpalosë politikat e Kinës për internetin.

Në të kaluarën qeveria kineze ka paraqitur rregulla të reja për qeverisjen e internetit duke u bazuar tek sundimi i ligjit.

Ndërsa Pekini nënvizon se duhet respektuar sovraniteti i internetit i çdo vendi, autoritetet qendrore thonë se politika e hapjes do të vazhdojë.

Konferenca e sotme do të ndërthurë diskutime të nivelit strategjik mbi qeverisjen globale të internetit dhe industrinë e bazuar në të si motor i rritjes ekonomike. (Leftion Peristeri)