Kryeministri kinez Li Keqiang theksoi rolin e risive në Kinë, duke bërë thirrje për përpjekje të mëtejshme për të nxitur burimet e reja të rritjes ekonomike dhe përmirësimin e atyre tradicionale. Ai e bëri këtë deklaratë gjatë një simpoziumi mbi planin e ardhshëm pesëvjeçar, i cili nis në vitin 2016.

Kreu i qeverisë Li nënvizoi se plani i zhvillimit të vendit duhet të fokusohet në rritjen e cilësisë dhe të efikasitetit.

Li Keqiang tha se qeveria do të zgjerojë investimet efektive, do të përmirësojë konsumin dhe do të nxitë llojet e reja të urbanizimit.

Sipas një komunikate të mëparshme për propozimet e planit 5 vjeçar, Kina synon të dyfishojë deri në vitin 2020 GDP-në e saj për frymë, krahasuar me vitin 2010.(Eda Merepeza)