Një ekspert ekonomie është shprehur se samiti i ardhshëm i G20-tës, që do të mbahet në qytetin kinez Hangzhou, duhet t'u kushtojë më shumë vëmendje vendeve në zhvillim.

Güven Sak, kryetar i "Think 20", e bëri këtë sugjerim gjatë pjesëmarrjes në Samitin e G20-s që po zhvillohet në Antalia të Turqisë.

Çështje të tilla si zhvillimi i vendeve me të ardhura të ulëta dhe infrastruktura po diskutohen gjerësisht nga liderat e G20-tës në Antalia. Megjithatë, Sak thotë se kjo nuk është e mjaftueshme, prandaj pret që Kina të ndihmojë në nxitjen e investimeve më të mëdha në infrastrukturë në vendet në zhvillim:

"Sa u përket investimeve në infrastrukturë, çështje kryesore është financimi. Fondet tashmë ekzistojnë, por problemi është në thelb sjellja e tyre në projektet e investimeve. Pra, duke e parë në këtë mënyrë, si BAII, ashtu edhe 'Një Brez dhe Një Rrugë', janë projekte të mira për investimet infrastrukturore. Por ato natyrisht shkojnë përtej investimeve në infrastrukturë, dhe domethënia e tyre shkon gjithashtu përtej ekonomive."

Meqenëse Kina është vendi më i madh në zhvillim në botë, gjatë samitit të Hangzhou-t 2016 pritet të parashtrohen çështjet lidhur me vendet në zhvillim. (Artan Goga)