Presidenti i Kinës Xi Jinping mbajti të dielën një fjalim në Samitin e G20-s, ku nënvizoi se misioni i vendeve duhet të jetë nxitja e rritjes ekonomike. Ai shtoi se grupi i 20-të vendeve duhet të ruajë qëndrueshëm rritjen e tanishme, të shtojë fuqinë për të ardhmen dhe të zbatojë jo vetëm rezultatet e mëparshme, por të arrijë edhe marrëveshje të reja me një bashkëpunim transparent, për të përballuar së bashku sfidat.

Presidenti Xi sugjeroi 4 pika si forcimi i bashkërëndimit të politikave ekonomike dhe formimi i politikave dhe veprimeve, nxitja e reformës dhe risisë, shtimi i potencialit të rritjes së ekonomisë botërore në periudhën afatmesme dhe afatgjatë. Ai shtoi se së treti duhet të ndërtohet një ekonomi e hapur botërore, të nxitet tregtia ndërkombëtare dhe investimet si dhe të realizohet zbatimi i axhendës për zhvillimin e vazhdueshëm të vitit 2030, për zhvillimin e barabartë dhe gjithëpërfshirës. (Fang Xiaoyu)