"Kina është e gatshme të krijojë lehtësi për tregtinë dhe investimet me Turqinë". Këtë e deklaroi të shtunën presidenti kinez Xi Jinping gjatë takimit me homologun e tij turk Erdogan, ku bëri thirrje për forcim të bashkëpunimit strategjik me Turqinë. Ndër të tjera kreu i shtetit i Kinës propozoi përdorimin e monedhave të të dy vendeve gjatë shkëmbimeve tregtare dhe investimeve dypalëshe.

Xi Jinping tha se duhet thelluar bashkëpunimi në fushën e sigurisë midis Kinës dhe Turqisë.

Nga ana e tij presidenti Erdogan shprehu gatishmërinë e Turqisë për një nivel më të lartë të marrëdhënieve dypalëshe, në fushën e tregtisë.

Takimi midis Xi Jinping dhe Erdogan u zhvillua disa orë pas arritjes së presidentit kinez në qytetin bregdetar turk Antalia, ku do të zhvillohet Samiti i G-20-ës. (Eda Merepeza)