Zëvendësministri kinez i financave Zhu Guangyao bëri thirrje për zhvillimin me sukses të Samitit të G20 në Antalia, pas sulmeve vdekjeprurëse terroriste që tronditën të premten Parisin. Ai theksoi se sulmet në Francë rikonfirmuan faktin se "terrorizmi është armik i përbashkët i njerëzimit", ndaj anëtarët e G20-ës duhet të bashkëpunojnë për luftën kundër tij.

Sipas numrit dy të financave kineze terrorizmi përbën një kërcënim serioz dhe për ekonominë botërore.

Në fokus të diskutimeve të liderëve pjesmarrës në Samitin e G20-ës, të dielën dhe të hënën pritet të jenë ekonomia globale, emigrimi masiv drejt Europës dhe lufta kundër terrorizmit.(Eda Merepeza)