Senati australian miratoi të hënën marrëveshjen e tregtisë së lirë midis Kinës e Australisë, pas miratimit të saj më 22 tetor nga Dhoma e Përfaqësuesve. Marrëveshja pritet të hyjë në fuqi pas miratimit nga ligjvënësit kinezë.

Ministri australian i tregtisë dhe investimeve, Andrew Robb duke komentuar votimin tha se Partia Laburiste në opozitë ka vazhduar traditën bipartizane, duke mbështetur marrëveshjen e tregtisë së lirë.

Më herët Partia Laburiste australiane kishte kundërshtuar marrëveshjen, duke shprehur shqetësimin se pagat e ulta të ofruara nga kompanitë e mëdha punëtorëve kinezë mund të dëmtojnë forcën e punës në Australi. Më 21 tetor, partia në pushtet dhe Partia Laburiste ranë dakord për çeshtjen e punësimit dhe më pas Partia Laburiste përkrahu miratimin e marrëveshjes së tregtisë së lirë Kinë-Australi.(Çang Çuo)