Shirat e dy ditëve të fundit kanë shkaktuar përmbytje të mëdha në qarkun e Fierit dhe të Vlorës. Gjatë një vizite në këto qarqe zëvendëskryeministri Niko Peleshi pas takimit me banorë dhe shtabet e emergjencave garantoi për marrjen e masave sa më të shpejta për kapërcimin e situatës. Ai tha se 6 milionë euro fonde do të investohen për emergjencat civile.

Ndërsa Kryetari i Bashkisë së Vlorës Dritan Leli, sqaroi se në këtë bashki janë ngritur dy komisione, i pari për verifikim e arsyeve të kësaj gjendje ndërsa komisioni i dytë për të verifikuar dëmet e shkaktuara.(ATSH)