Kompanive private në Kinë tani do t'u lejohet të ofrojnë shërbime interneti në bandë të gjerë në 44 qytete, një industri e cila më parë ishte monopol i kompanive shtetërore.

Ministria e Industrisë dhe e Teknologjisë së Informacionit tha se konkurrenca do të shtojë cilësinë dhe do të ulë çmimet në treg.

Ministria u zotua se do t'i japë fuqi të plotë kapitalit privat dhe do të shtojë numrin e qyteteve ku mund të veprojnë.

Dhjetorin e kaluar ministria nxori një udhëzues për hapjen e tregut të internetit drejt kapitalit privat.

Numri i përdoruesve të internetit në bandë të gjerë nga një pajisje e palëvizshme arriti në 208 milionë në korrik të këtij viti. (Leftion Peristeri)