Kuvendi i Shqipërisë miratoi të enjten me 74 vota pro dhe 23 kundër pas më shumë se 10 orësh debate, Aktin Normativ për disa ndryshime në ligjin e buxhetit të vitit 2015, përmes së cilit qeveria planifikon uljen e të ardhurave. Rishikimi i buxhetit u kritikua nga opozita, sipas së cilës, më shumë se nevoja për ndryshimin e buxhetit nevojitet ndryshimi i modelit qeverisës.

Ministri i Financave Shkëlqim Cani mbrojti aktin normativ të qeverisë për ndryshimet në buxhetin e shtetit, duke i cilësuar ato si të domosdoshme për rritjen ekonomike dhe për t'iu përshtatur ndarjes së re të territorit. Akti Normativ parashikon shkurtimin e të ardhurave me mbi 16 miliardë lekë. (ATSH)