Komisioni i BE-së deklaroi të enjten se BE-ja do t'u ofrojë ndihma prej 17.5 miliona eurosh refugjatëve sirianë në Turqi.

Në njoftimin e publikuar nga Komisioni i BE-së thuhet se 12.5 miliona euro do të përdoren për dhënien e mësimeve në gjuhën arabe dhe për ndihmën psikologjike ndaj fëmijëve sirianë, për ndërtimin e instalimeve mësimore dhe përgatitjen e 3700 mësuesve vullnetarë sirianë e turq. Ndërkohë, 5 milionë euro të tjerë do të përdoren për furnizimin me ushqime për 41 mijë refugjatëve sirianë në 3 kampe.

BE-ja do të nënshkruajë kontrata me Fondin e Kombeve të Bashkuara për Fëmijët dhe me Programin Botëror të Ushqimit për konkretizimin e përdorimit të këtyre fondeve ndihmese. (Wang Lei)