Një shtetas kinez, i cili ishte rrëmbyer në Pakistanin Veriperëndimor rreth një vit e gjysmë më parë, është shpëtuar.

Ministri i Brendshëm i Pakistanit Chaudhry Khan bëri të ditur se Hong Xudong u është dorëzuar zyrtarëve të konsullatës kineze në Islamabad.

"Ai është sjellë nga Verëperëndimi pas shumë përpjekjeve tona me agjentët tanë të zbulimit prej një viti. Ai na u dorëzua neve mbrëmë," u shpreh Chaudhry Khan.

Hollësitë e shpëtimit të Hong Xudong-ut nuk janë bërë të ditura.

Hong u mor peng në prill të vitit të kaluar nga militantë që mendohet se kanë lidhje me talebanët, kur ishte duke udhëtuar si turist nga India në Iran.(Raela)