Eurogrupi u bëri thirrje të enjten grekëve të ruajnë angazhimin për planin e tretë të ndihmës pas dorëheqjes së papritur të kryeministrit Alexis Tsipras.

"Është shumë e rëndësishme që Greqia të ruajë angazhimin e saj në Eurozonë," tha Michel Reijns, zëdhënësi i presidentit të Eurogrupit Jeroen Dijsselbloem.

"Dijsselbloem kujtoi mbështetjen e gjerë në parlamentin grek për programin e ri dhe paketën e reformave, duke shpresuar se zgjedhjet do të shtojnë më tej këtë përkrahje," shtoi ai.

Tsipras njoftoi mbrëmjen e së enjtes vendimin e tij për të shpërndarë qeverinë dhe dërgimin e vendit në zgjedhje të parakohshme. (AlBaNa)