Objektivat që janë vendosur në bazë të marrëveshjes parashikojnë tepricë primare për vitin 2015 në -0.25 përqind të Prodhimit të Brendshëm Bruto, +0.5 përqind për vitin 2016,+1.75 përqind për vitin 2017.
Reformat përfshijnë rritjen e taksës së tonazhit të anijeve, heqjen e privilegjeve të fermerëve për naftë me çmim të ulët, ristrukturim i administratës publike, shkurtim gradual i pensioneve të parakohshme, reforma në tregun e energjisë etj.
Qeveria greke dhe kuarteti i huadhënësve (Fondi Monetar Ndërkombëtar, Komisioni Europian, Banka Qendrore Europiane dhe Mekanizmi për Stabilitet Europian arritën marrëveshjen pas 22 orë bisedimesh në Athinë. (Albana)
