Presidenti i ri i Polonisë Andrzej Duda mori zyrtarisht detyrën të enjten gjatë një ceremonie në parlamentin e vendit.

43-vjeçari Duda është presidenti më i ri i fundit. Në ceremoninë e marrjes së detyrës, ai ritheksoi premtimet e bëra gjatë fushatës duke përfshirë uljen e moshës së pensionit dhe ngritjen e kufirit për taksimin e të ardhurave.

Ai theksoi nevojën e përmirësimit të politikës së jashtme për të shtuar gjallëri në platformën ndërkombëtare si dhe rritjen e angazhimit brenda Bashkimit Europian. Duda i bëri thirrje NATO-s që të përforcojë sigurinë ushtarake të Polonisë dhe të Europës Qendrore e Lindore.

Gjatë betimit të tij merrnin pjesë ish presidentët Bronislaw Komorowski, Aleksander Kwasniewski dhe Lech Walesa, mes 600 të ftuarve të tjerë. (Çang Çuo/Leftion Peristeri)