Bankat kineze po i forcojnë pozitat e tyre në botë për sa u përket kapitaleve dhe fitimeve.

Renditja vjetore e fitimeve dhe e kapitaleve e revistës "Banker" tregon se bankat kineze zënë katër vendet e para në botë për sa u përket fitimeve në sektorin bankar në vitin 2014. Huadhënësit kinezë fituan pothuajse dyfishin e shumës së rivalëve të tyre amerikanë.

Banka Industriale dhe Tregtare e Kinës kryeson renditjen me 59.1 miliardë dollarë fitime vitin e kaluar, e ndjekur nga Banka e Ndërtimit e Kinës, Banka Bujqësore e Kinës dhe Banka e Kinës.

Banka amerikane "Wells Fargo" u rendit e pesta me 33.8 miliardë dollarë fitime, e ndjekur nga JPMorgan dhe HSBC. (Artan Goga)