Zyrtarët grekë thonë se bankat do të mbyllen deri më 6 korrik, një ditë pas referendumit për kushtet e reja të kreditorëve ndërkombëtarë.

Më parë, kryeministri Aleksis Tsipras njoftoi për pushime të bankave dhe vazhdimin e kontrolleve të kapitalit, duke ndjekur vendimin e Bankës Qendrore Evropiane për të mos rritur fondet emergjente për bankat greke.

Zyrtarët bëjnë të ditur se bankomatet (ATM) do të rihapen të hënën pasdite dhe limiti i tërheqjes ditore do të jetë rreth 60 €.

Pas miratimit nga Parlamenti të referendumit të propozuar nga Tsipras gjatë fundjavës grekët janë vënë në rradhë për të tërhequr para nga bankomatet.(Raela)