Sekretari i përgjithshëm i NATO-së Jens Stoltenberg deklaroi të enjten se Aleanca do të vazhdojë të mbështesë Ukrainën. Ai e bëri këtë koment pas mbledhjes së Komitetit NATO-Ukrainë, ku morën pjesë ministrat e mbrojtjes të vendeve anëtare të NATO-së dhe ministri ukrainas i mbrojtjes, Stepan Poltorak. Në mbledhje u diskutua situata në Ukrainë dhe u përshëndet progresi dhe reformat e saj në fushat e mbrojtjes dhe të sigurisë.

Në konferencën për shtyp pas mbledhjes, Stoltenberg tha se 5 fondet e mirëbesimit të krijuara nga NATO "kanë arritur rezultate" në përsosjen e aftësisë mbrojtëse të Ukrainës. Të dyja palët po punojnë për shtimin e bashkëpunimit dhe për sigurinë e hapësirës rajonale, shtoi kreu i NATO-s.

Sipas Stoltenberg, NATO do të bashkëpunojë me Ukrainën për rastet e emergjencave dhe fatkeqësive natyrore dhe në në fund të këtij viti do të zhvillohen manovrat e përbashkëta ushtarake. (Du)