Ministria e jashtme ruse reagoi të hënën ndaj planit të SHBA-së për dislokimin e armëve të rënda në Europën Lindore për manovra ushtarake, duke u shprehur se ky veprim cënon marrëveshjen e bashkëpunimit Rusi-NATO, të nënshkruar në vitin 1997.

Burime diplomatike ruse njoftojnë se SHBA-ja mund të dislokojë 1200 armë të rënda si tanke dhe artileri në Bullgari, Letoni, Lituani, Estoni, Poloni dhe Rumani etj., duke shtuar se këto armë do të përdoren nga 3000 deri 5000 trupa, duke shërbyer si një prani e përhershme ushtarake.

Në deklaratën e ministrisë së jashtme ruse i bëhet thirrje vendeve të Europës Lindore të mbajnë një qëndrim të arsyeshëm, për të shmangur acarimin e mëtejshëm të situatës. (Fani)